Climántica, proyecto de educación ambiental

• Comentar

• Comentar

Actualización: Xa se pode ver o documental da experiencia en Climántica TV.

• Comentarios: 7

Actualización 2: Xa se pode ver o documental da clausura do curso en Climántica TV.

• Comentar

O día 5 de xuño, coincidindo coa celebración do Día mundial de medio ambiente, clausuráronse as primeiras xornadas temáticas de Climántica que se celebraron como experiencia piloto no IES Fernando Blanco de Cee.

Nestas xornadas o Director Xeral de Desenvolvemento Sostible e o Director de Climántica desenvolveron unha conferencia conxunta no salón de actos. Ao rematar, os estudantes pasaron a informarse sobre as causas e consecuencias do cambio climático nas carpas temáticas onde recibiron as explicacións dos seus compañeiros monitores, apoiándose en experiencias prácticas. Estes estudantes - monitores formáronse durante 3 días coa Técnica do proxecto Climántica que se encarga das actividades de dinamización en centros.

Durante o recreo os estudantes observaron as actuacións de magos, acróbatas e malabaristas. A celebración do Día mundial do medio ambiente pechouse co espectáculo Climantopía, onde confluíron música, maxia, proxeccións multimedia, que acompañaron e reforzaron as mensaxes de educación ambiental comunicadas nunha serie de contos e cancións. O modelo xa quedou suficientemente testado para que se poida exportar a outros centros piloto interesados e implicados en Climántica.

Actualización: Xa se pode ver o documental das actividades en Climántica TV.

• Comentar

• Comentar

• Comentar

Xa está dispoñible para descargar o cartel da convocatoria do 2º Concurso Climántica.

• Comentarios: 3

Climántica estivo presente na Semana da ciencia do IES Torrente Ballester. Os stands de Climántica estiveron dirixidos por estudantes de 4º de ESO formados pola técnica de educación ambiental responsable de dinamización do equipo Climántica, Sabela García. Eses estudantes explicáronlle á Comunidade Educativa, desde os seus stands e mediante experiencias sinxelas as causas e consecuencias do cambio climático. A conferencia de clausura, titulada “Cambia o clima? Climántica responde”, foi impartida polo director do proxecto Climántica, Francisco Sóñora.

Actualización: Xa se pode ver en Climántica TV o documental das actividades e o da conferencia de clausura

• Comentar

Actualización: Xa se pode ver o documental das actividades en Climántica TV

• Comentarios: 1

CONVOCATORIA DA SEGUNDA EDICIÓN DOS PREMIOS CLIMÁNTICA POR TRABALLOS PRESENTADOS AO PRIMEIRO CONGRESO DE ESTUDANTES DE CLIMÁNTICA

Co obxectivo de sensibilizar sobre o problema do cambio climático, a Consellería de Medio Ambiente e Desenvolvemento Sostible convoca a SEGUNDA EDICIÓN dos Premios Climántica. Os segundos premios consisten nunha estancia de 5 días nun equipamento de Educación Ambiental de Galicia no que tamén se desenvolverán actividades deportivas e de lecer. Esta estancia levarase a cabo ao remate do curso 2007-2008 en dúas quendas diferentes: entre o 23 e o 27 de xuño para ESO e entre o 8 e o 12 de setembro para bacharelato e ciclos formativos. A diferenza dos Primeiros Premios Climántica celebrados en novembro de 2007, os segundos premios outorgaranse por traballos enviados para publicar no primeiro número da revista CLMNTK e que se presentarán no Primeiro Congreso de Estudantes Climántica

Establécense as seguintes categorías:

1.-Literatura: Redaccións, relatos reais e de ficción ou poesía cuxa temática xire sobre algún tema que se trate no proxecto.

2.-Multimedia: Os formatos nos que se presenten deben responder ás seguintes características técnicas: resolución mínima 320 x 240. Formato de vídeo: mov, mp4, vob, dv, flv, avi, 3gp.

3.-Artes plásticas:

Cada traballo que se envíe deberá ir acompañado da ficha de inscripción na que o autor/a ou autores (máximo 3 membros por grupo) describan o que desexan comunicar co traballo.

Os traballos remitiranse á seguinte dirección de correo electrónico concursos@climantica.org. O prazo de presentación de traballos vai desde a data de publicación desta convocatoria na web ate o 15 de maio do 2008.

Todos os traballos que cumpran os requisitos mínimos inseriranse na web na sección Concurso dentro do epígrafe de Centros. Todos os traballos que sexan incorporados á web de Climántica tamén se publicarán na revista dos estudantes de Climántica CLMNTK e serán premiados co envío dunha camiseta ou dun maillot do proxecto, para o que se fará constar no correo co que se remita o traballo a elección de camiseta ou maillot e a talla.

PODES PARTICIPAR TAMÉN NO CONGRESO DE AUTORES CLIMÁNTICA

Os traballos elexidos para publicar na revista dos estudantes de Climántica CLMNK presentaranse no I Congreso de estudantes de Climántica. Os premios serán comunicados neste PRIMEIRO CONGRESO DE AUTORES CLIMÁNTICA que se celebrará en Santiago o 21 de xuño do 2008 no Pazo de Congresos de Galicia.

Outorgaranse 10 premios por cada categoría para alumnado de ESO (un total de 30 premios para a quenda de xuño) e outros tantos para bacharelato e ciclos de grao medio e superior (un total de 30 premios para a quenda de setembro). Se os traballos dunha categoría non reúnen os requisitos mínimos de calidade para ocupar os 10 premios desa categoría, poderá incrementarse o número de premios das restantes categorías si estes reunen suficiente calidade. Os premios poderán declararse premios desertos, sempre que o xurado considere que non hai suficientes traballos de calidade para cubrir os 30 premios de ESO ou os 30 de bacharelato e ciclos formativos.

Os criterios que se seguirán para avaliar os traballos serán:

PODES TER APOIO TÉCNICO

Se tes dificultades co teu proxecto podes recibir apoio técnico enviando un correo electrónico concursos@climantica.org

• Comentarios: 2

• Comentar

• Comentar

O sábado 8 de marzo desenvolveuse a terceira xornada do curso na que os profesores Susana Vázquez e Jesús Teira desenvolveron o módulo III relativo á administración de blogues de aula. Na última hora da xornada abordouse a avaliación de ideas sobre o cambio climático mediante técnicas libres a partires da conferencia impartida polo profesor de Educación Ambiental da facultade de Educación da USC, Pablo Meira. A maioría dos exemplos que expuxo, foron traballos dos estudantes do profesorado asistente, desenvoltos dentro do marco de investigación - acción da parte de aplicación na aula do contido do curso. O contido desta conferencia titulada “Análise de representacións sociais do cambio climático mediante técnicas abertas (da cultura científica á cultura común)” queda á disposición do profesorado no apartado Recursos  e pode visualizarse a súa exposición no apartado Climántica TV

Actualización: Xa se poden ver en Climántica TV os documentais do IV móduloe do V módulo

• Comentar

O sábado 1 de marzo desenvolveuse a segunda xornada do curso na que os profesores Susana Vázquez e Jesús Teira orientaron ao profesorado sobre como inxerir elementos multimedia nos blogues e sobre a formulación de preguntas activadoras da argumentación dos estudantes sobre o contido deses elementos multimedia inxeridos. Tamén se abordou a potencialidade da técnica de webquest para a educación ambiental centrada no cambio climático. Sobre esta temática, o profesor Francisco Castillo impartiu unha conferencia da que se pode descargar o seu contido no epígrafe recursos e da que se pode ver un resumo en Climántica TV.

Actualización: Xa se pode ver tamén en Climántica TV un resumo do traballo con blogues.

• Comentarios: 2

O sábado 23 de febreiro presentouse o I Curso de posgrao Climántica-USC: competencias dixital e de aprender a aprender e desenvolveuse o primeiro módulo dos 5 recollidos no programa: Os blogs como ferramentas para desenvolver competencias básicas I: o uso dun blog no contexto de aula de climaeucambio.

Como o número de inscritos superou o número máximo establecido nas condicións de matrícula, os inscritos non matriculados quédalles a súa praza reservada para matricularse na segunda edición que se comunicará coincidindo co inicio do curso 2008-2009.

A presentación do curso está dispoñible en Climántica TV

• Comentar

Xa está dispoñible en Climántica TV a entrevista sobre Climántica Bibliotecas co escritor Agustín Agra, Premio Merlín 2006.

• Comentarios: 3

Aviso importante: o comezo do curso será o sábado 23 de febreiro. O curso desenvolverase durante as datas 23 de febreiro, 1, 8 e 29 de marzo e 5 e 12 de abril. En abril cada matriculado só asistirá a unha das dúas sesións, porque se desdobra o grupo para as prácticas de laboratorio sobre cambio climático para conseguir así unha atención individualizada.

• Comentarios: 1

Trátase dun curso de posgrao da Universidade de Santiago de Compostela. Contido: O curso organízase nestes 6 módulos (ver documento programático completo):

• Creando blogs e foros en “Climaeucambio”
• Aplicacións didácticas dun blog e dun foro
• Ferramentas TIC para blogs e foros
• Autoformación orientada mediante a didáctica multimedia de Climántica
• Fundamentos de meteoroloxía escolar
• Prácticas sobre cambio climático.

Recoñécense 60 horas:

• Horas presenciais: 21 horas, repartidas en 6 sábados de 10 a 13:30 horas:
  • Dous en febreiro: 16 e 23
  • Tres en marzo: 1, 8 e 29
  • Un en abril: 5
• Horas non presenciais: 39 que se computarán por actividades entre cada dúas sesións presenciais que consistirán en:
  • Retroalimentación cos poñentes, facendo preguntas, consultando dudas e información na plataforma
  • Desenvolver actividades prácticas na aula cos estudantes a modo de investigación-acción.
• Lugar: magna, aula de informática e laboratorio da facultade de Físicas do Campus Sur da USC
• Inscrición e matrícula gratuita.
  • A inscripción faise cubrindo este impreso P-11 para envialo a climantica@xunta.es desde a publicación nesta web ata o día 15 de febreiro.
  • A matrícula definitiva dos inscritos farase o primeiro día de curso entregando copia asinada do mesmo impreso P-11 (enviado por correo electrónico na inscripción) e unha fotocopia do DNI.

Para máis información pode consultarse o documento programático do curso e a información sobre o contido da competencia dixital da guía didáctica e o exposto na xornada formativa sobre Climaeucambio

• Comentar

Xa están operativos os blogs Climaeucambio. Ofértase un blog a cada aula que o solicite. As solicitudes fanse enviando un correo electrónico desde as contas de correo corporativas dos centros a climantica@xunta.es. No mes de febreiro porase en marcha un curso de formación sobre competencia dixital e fundamentos de meteoroloxía escolar, no que terán especial relevancia os blogs, xunto coas ferramentas e aplicacións que se poden usar para dotalos de contido. En breve comunicarase nesta web o contido do curso e a apertura da inscrición.

• Comentar