Climántica, a través da súa nova derivada, Climántica Intercambios, formou un consorcio co Centro Nacional de Educación Ambiental (CENEAM), co Centro de Investigaciones Energéticas, Medio Ambientaless y Tecnológicas (CIEMAT), e coa Asociación Española Para la Enseñanza de las Ciencias de la Tierra (AEPECT). Tamén conseguiu o apoio do Concello de Noia. Con estes socios e apoios procede a convocar tres iniciativas, unha docente e dous discentes. A discente presencial e a docente desenvolveranse, entre o 3 e o 7 de setembro, no Centro Nacional de Educación Ambiental (CENEAM) de Valsaín (Segovia). As 3 iniciativas convocadas son:
- Congreso xuvenil internacional virtual que se pon en marcha con esta publicación ata o 30 de maio, e se desenvolve de forma online na plataforma http://congresovirtual.climantica.org
- Campus xuvenil internacional CLMNTK15 para alumnos seleccionados pola súa participación no congreso xuvenil virtual. Estes campus internacionais iniciáronse con CLMNTK12 en Sada e que tiveron continuidade en Ribadeo no 2013 e en Vigo no 2014.
- Seminario docente de formación do profesorado sobre os contidos e as metodoloxías que se aplican no campus recoñecido con 50 horas por parte do Ministerio de Educación tramitado pola AEPECT. O seminario docente e o campus celebraranse de forma simultánea, sinérxica e complementaria no CENEAM entre o 3 e o 7 de setembro, de acordo coas bases de ambas as dúas iniciativas:
Descarga da convocatoria do congreso xuvenil e do campus internacional.
Anexo I. Ficha de preinscrición (cubrir, gardar cambios e axuntar).
Anexo II. Ficha de confirmación da participación (cubrir, gardar cambios e axuntar).
